محامية ريم طارق زوجة حسن شاكوش تفجر مفاجأة.. طردها من البيت من غير لبسها.. وحالتها سيئة جدا (تفاصيل صادمة)

محامية ريم طارق زوجة حسن شاكوش تفجر مفاجأة.. طردها من البيت من غير لبسها.. وحالتها سيئة جدا (تفاصيل صادمة)

تحدثت محامية ريم طارق، زوجة المطرب حسن شاكوش، عن واقعة طرده لزوجته من المنزل والتعدي عليها بالضرب، وذلك خلال تصريحات صحفية لها.

وقالت: الخلاف اللي حصل بين حسن شاكوش وزوجته زي اي خلاف زوجي هو طردها من بيتها من غير لبسها والمشكلة بدأت من هنا، وكل الكلام اللي الناس بتقوله غلط سواء خيانة أو غيره وهي مش هتسكت على الناس اللي عمالة تشوه وتألف وتعمل حكايات.

وتابعت: واحد ملهوش اي صفة بيتدخل في الموضوع مش عارفة انت متحرض ولا عايز تلهي الناس في المشكلة، ولا عايز تطلع تريند ولا ايه، اي طلعك دلوقتي تتكلم وتشهر بيها، ورد ريم عليه هيكون قضية لوحده وهيتحاسب على كل اللي قاله.

وأضافت: 55 يوم على الزواج ويحصل في البنت الكبيرة كدة، انتو مش متخيلين الضرر النفسي الكبير للي وقع عليها، هو عرضها لأذى نفسي وكان ساعات بيبقى عصبي، وحالتها سيئة جدا وعندها ضيق من اللي بيحصل ومكنتش متوقعة التنمر والتشهير اللي حصل عليها وعلى عيلتها، وهي ليها حق في الحاجات اللي اتكتبت ومؤخرها ومنقولتها.

وأختتمت: أحب يكون في تصالح بين ريم وحسن لكن أشك إن أهلها هيوافقوا وهنطالب بتفريغ الكاميرات وهناخد حقنا منه بالقانون.

وكان أخر أعمال مطرب المهرجانات حسن شاكوش، كليب أغنية “كلك غرام “بالتعاون مع حمو بيكا، كلمات اسلام المصري وتوزيع اسلام ساسو، وحققت نجاحات كبيرة ومشاهدات كثيرة بعد طرحها عبر موقع الفيديوهات الشهير يوتيوب.